Қызметтің басқа салалары сияқты стоматология да бір орында тұрмайды, үнемі әлдебір жаңалық пайда болып отырады, мұның өзі тіс дәрігерлерінің жұмысын жетілдіре түседі.

Біз тіс емдеу технологиясына үңіліп, соңғы жылдары стоматология саласында қол жеткізілген басты жетістіктерді жинақтадық.

InnoDent: тісжегіні бұрғылаусыз емдеу

Стоматологиядағы жаңалық — InnoDent препараты. Тісжегіден құтылуға мүмкіндік беретін әдістеме әлі жасалу үстінде. Енді балалар тіс дәрігеріне барудан қорықпайтын болады, ал ересектер жайсыздық сезімін ұмытады. Тісжегіні бұрғы машинасынсыз емдеу ақиқатқа айналды!
InnoDent — бұл эмальдің микрокеуектеріне терең еніп, сол арқылы оның фибриллярлық матриксін қалыптастыратын өзіндік имплант. Бұл тіс тіндерін қайта минералдауға және қайта жаңғыртуға ықпал етеді. Препараттың белсенді компоненті адам ақуызы амелогенинге ұқсас болып келеді. Препараттың құрамдас бөлімі бір ай жұмыс істейді, осы уақыт ішінде гидроксиапатит кристалдары қалыптасады, эмальдің зақымдалған беті қалпына келеді.

Компьютерлер адамға көмектеседі

Система CEREC в клинике Profident

Цифрлық технологиялар көптен бері барлық ықтимал салалардан орын алды, стоматология да да пайдаланылады. Барлық қажетті құжаттарды тез толтырудан бастап, пациенттің ауыз қуысының анализіне және оңтайлы емдеу құрастыруға дейінгі алуан түрлі жүйелер бар.

Компьютерлер тістерді барынша егжей-тегжей және жан-жақты қарауға көмектеседі. Осы мақсатта ауыз қуысын суретке және бейнеге түсіруге арналған, өлшемі қаламнан жуан емес ауызішілік камералар пайдаланылады. Сонымен қатар цифрлық технологиялар баршамызға үйреншікті рентгеннің орнын ауыстырды – оның орнына қазір пациентті сәулелендірмейтін электрондық сезбектер негізінде радиовизиографтар қолданылады.

Стоматологиядағы үлкен жаңалық компьютерлік конструкциялау болып келеді. Дәрігер компьютердің экранында паценттің ауыз қуысының толық анимацияланған үлгісіне ие болады, мұның өзі кез келген бөлшекті кез келген жағынан қарауға көмектеседі. Сонымен қатар тіс дәрігерлері протездеуді оңайлататын 3D-баспа технологиясын пайдаланады, өйткені қажетті бөлшектер дәл осы жерде және өте тез дайындалады.

Үйдегі тіс дәрігері

Ақылды электроника адам үшін ерекше бір нәрсе болып табылмайды, бірақ ақылды тіс щеткасының пайда болуы – күнделікті өмірдегі ерекше жаңалық. Осындай технологияны алғаш рет танымал Oral-B компаниясы әзірлеп шықты. Содан кейін идеяны басқа да танымал брендтер одан әрі дамыта түсіп, ұштықтардың айналу жылдамдығына, тазалау бойынша есеп құрауға және басқа да параметрлерге көңіл бөлді.

Oral-B тіс щеткасы бірнеше қызмет атқаратын ерекше щетка болып келеді. Мұнда алуан түрлі тістерге және адамның ұмтылатын нәтижесіне арналған бес тазалау режимі бар, мысалы: күнделікті жай тазалау, ағарту немесе қызылиекке күтім жасау. Сонымен қатар ақылды тіс щеткасы пайдаланушыны түрлі сенсорлардың және тістер мен қызылиекке қысым сезбектерінің есебінен тісті дұрыс тазалауға үйретеді. Сонымен қатар жиынтықта тазалау үдерісін қадағалайтын және ақпарат жинайтын дисплей де бар.

Робот-тіс дәрігерлері

Тіс дәрігеріне көмектесу үшін әзірленген американың Yomi, роботы осындай алғашқы робот болып келеді. Арнайы бағдарламалық жасақтамаға орай, лазер рентген суреттері бойынша операцияны жоспарлай алады, содан кейін үдеріс барысында дәрігердің бәрін дұрыс істеуін қадағалай алады. Сөйтіп, тіс дәрігерінің жұмыс сапасы арта түсетін болады.

Алайда Қытай дәрігерлері құлашын бұдан әрі кең созып, адамның көмегінсіз тістерді импланттай алатын робот жасап шықты. Тестілік операция шеңберінде робот тірі пациентке 3D-принтерде басып шығарылған екі имплант қоя алды. Бәрі бір сағатқа жетпей жасалды, ал тіс дәрігерлері роботтың іс-әрекетін алыстан байқап тұрды. Айтпақша, операция нәтижелері бойынша импланттау қателігі милимметр үлесін құрады, мұның өзі осындай операциялар үшін рұқсат етілген жағдай болып табылады.

Лазермен емдеу
Стоматологиялық лазер – әсер ету дәлдігін, тез әрі қауіпсіз емделуді қамтамасыз ететін инновациялық технология. Лазер өлген тіндер мен зақымдалған аумақты жайлап жояды, сау тіс тініне әсер етпейді. Лазер түрлі жағдайларда, мысалы, тісжегіде, тістердің жоғары сезімталдығында, ауыздың шырышты қабығы патологиясында, хирургиялық операцияларда пайдаланылады.

Лазердің көмегімен емдеу мүлдем ауыртпайды, адам оның әсерін де сезбейді. Соған сәйкес ауыртпау мен жансыздандыру өте сирек жағдайда ғана қолданылады. Сондықтан стоматологияда тістерді ағарту үшін, қызылиек сұлбасы мен тін пішінін өзгерту үшін лазер кеңінен пайдаланылады, мұның өзі пациенттердің «голливудтық жымиысқа» ие болуы үшін қажет..

Ақпарат дереккөзі: sptnkne.ws/gFFu