Терапевтік стоматология. Тіс емдеу. Профилактика.

Стоматологиядағы терапия - тісжегіні және оның барлық асқынуларын емдеуге арналған емшаралардың тұтас қатары. Стоматолог-терапевтің негізгі мақсаты – сау тіндерді барынша сақтап қалатындай етіп тіс емдеу және зақымдалған тіндерді сапалы қалпына келтіру.

Тіс емдеу тіс емдеу келесілерден құралады:

•  тісжегіні емдеу;

•  пульпитті емдеу;

•  периодонтитты емдеу;

•  тіс жылауығын емдеу;

•  өршу сатысында созылмалы периодонтитті емдеу;

•  ескі пломбаларды алып тастау және тістерді пломбалау;

•  тістерді, оның ішінде күрделі тістерді жұлу;

•  ауырсынуды басу.

Ең кең таралған ауру – бұл тісжегі. Егер оны емдемей, ауруды дәрі-дәрмектермен басып отырса, көп ұзамай жүйкелер өле бастайды, ал тісжегілік қуыс шіру үдерісін өршіте түседі. Аурумен өз бетінше күресуге тырыса отырып, организм түбірдің айналасында гранулема түзеді, ол біртіндеп ұлғая түседі де, жылауыққа айналады. Басқа маңызды асқынулар – пульпит және периодонтит. Олар дамыған кезде тіс түбірін емдеу қажет болады.

Сондай-ақ тісжегілік емес тіс зақымдары (сына тәрізді ақау, эрозия, флюороз және т.б.) кездеседі, соның нәтижесінде қызылиек үстіндегі тіс бөліктерінің түсі мен пішіні өзгереді – осындай аурулар жағдайында ауыз қуысына ғана емес, сондай-ақ жалпы организмнің саулығына назар аудару керек. Әдетте, мұндай жағдайларда тістерді қалпына келтіруден ғана емес, сонымен қатар қосымша іс-шаралардан тұратын тістерге кешенді емдеу жүргізіледі.

Стоматологияда күрек тістерді емдеу басқа топтағы тістерді емдеумен салыстырғанда, едәуір күрделі үдеріс болып келеді. Бұл реставрациялауға және пломба қоюға қойылатын жоғары талаптармен, сондай-ақ күрек тістерде қатар жүктемесін ұстап тұруы тиіс эмальдің жұқа қабаты жеткілікті. Осыған орай фронтальдық тістердің бұзылуы қарқынды жүреді. Сонымен қатар күрек тістер дентиннің кішігірім қабатымен де ерекшеленеді.

Сондықтан алдыңғы тістерді емдеу ұлпалы камераның тұтастығын бұзып алмау және мінсіз тамаша жымиысқа қол жеткізу үшін, зергерлік дәлдікте өткізілуі тиіс.

Бұл ауыртпайды ма?

Жоқ. Қазіргі таңда терапевтік стоматологияда барлық емшаралар анестетиктерді қолдана отырып өткізіледі, сондықтан емдеу ауыртпай жүргізіледі. Қазіргі заманғы жергілікті анестетиктер төмен уыттылығымен және лезде әсер етуімен ерекшеленеді.

Тістерді толық ауыртпай емдеу аппликациялық анестезияның қолданылуын да қамтамасыз етеді: қызылиектің бетіне ерекше гель жағылады, ол шырышты қабықтың сезімталдығын азайтады. Содан кейін ауыртпайтын шаншау жасалады, бірақ инъекция енді мүлдем жайсыздық әкелмейді.

Тісжегіні қалай емделеді?

Тісжегіні емдеу зақымдалған тіндерді алып тастауға және оны пломбалаушы материалдардың көмегімен қалпына келтіруге негізделген. Егер дақ түсу сатысында тісжегі табылса, оны емдеу үшін қайта минералдау емшарасы жеткілікті: тіс эмалін минералды заттармен байыту зақымдануды жоюға және оның тығыздығын қалпына келтіруге көмектеседі. Сондықтан үдеріс тереңдемей тұрғанда, тісті уақтылы емдеп алған жөн.

Пульпит, периодонтит қалай емделеді?

Пульпитті емдеу тісжегі қуысын тазалаудан басталады. Содан кейін тісжегіні емдеу өткізіледі: одан ұлпа алып тасталады, түбір арналар антибактериялық өңдеуге ұшырайды және пломбаланады.

Аяқтаушы кезең — уақытша тіс пломбасын қою. Егер тіс түбірлерін емдеу табысты өтсе, пациентті ешнәрсе мазаламаса, дәрігер уақытша пломбаны тұрақты пломбаға ауыстырады.

Емдеу кезінде қауіпсіздік қалай қамтамасыз етіледі?

Пациенттерді барған сайын дәрігердің біліктілігі, сондай-ақ тісті емдеу бағасы қанша екендігі ғана емес, сондай-ақ организм үшін осы үдерістің зиянсыздығы да көп қызықтырады, өйткені егер тіс дәрігерінің аспабы дұрыс өңделмеген болса, клиникаға бару көптеген қосымша мәселелерге әкелуі мүмкін.

☆ Profident терапевтік стоматологиясында тістерді қауіпсіз емдеу медициналық жабдық пен аспаптарды зарарсыздандыру және стерильдеудің әрбір кезеңін қатаң сақтаумен, бірреттік медициналық құрылғылар мен материалдарды қолданумен, анестезия үшін бірреттік инелері және бірреттік ампулалары (карпулалары) бар карпулалық шприцтерді пайдаланумен қамтамасыз етіледі.

Емдеу кезіндегі сапа критерийлері қандай?

Тіс емдеу сапасының басты критерийлері — бұл қалпына келтірілген тістің тамаша сыртқы көрінісі және емдеудің мықты нәтижесі, мұның өзі аурудың қайталануы мен болмауынан көрінеді. Сонымен қатар емдеу үдерісінің өзі пациент үшін ауырусыз, қауіпсіз және барынша жайлы болуы тиіс.

Алдыңғы тістерді емдеу ерекше талаптарға сәйкес келуі тиіс. Тістер мінсіз реставрациялануы және тіс қатарында өзгешеленбеуі тиіс.

☆ Profident клиникасы тістерді кәсіби және жоғары білікті дәрежеде емдеуді жүзеге асырады. Терапевтік стоматологияның барлық бағыттары бойынша қызметтер толық көлемде ұсынылады. Әр медициналық қол әрекеттері анестезиямен орындалады, мұның өзі жағымсыз сезімдердің мүлдем болмауына кепілдік береді. Бұл ретте біз пациенттер үшін жайлы, ыңғайлы жағдай жасауға тырысамыз. Клиникада келесілер жүзеге асырылады:

• Тістерді кешенд емдеу. Қызмет көрсету шеңберінде толыққанды тексеру, гигиеналық емшаралар, тісжегі ошақтарын тазалау, инвазивті немесе инвазивсіз емдеу ұсынылады, сондай-ақ қызылиек саулығына ерекше мән беріледі.
• Тісті шұғыл емдеу. Ең ыңғайсыз кезеңде бірден қатты ауыру пайда болады. Осындай жағдайға тап болғанда, Сіз кәсіби көмек сұрап, бірден Profident клиникасының тәжірибелі мамандарына жүгіне аласыз. Сізге жедел түрде диагностика жасалады, соның нәтижесі бойынша дәрігер оңтайлы емдеу тактикасын таңдап алады.
• Күрделі тістерді емдеу. Бұған терең тісжегіні емес, түбір арналарының бейстандартты анатомиясындағы эндодонттық қол әрекеттері (қатты қисаю, қиын ткізгіштік), түбір арнасынан бөгде затты алып тастау және көптеген басқа жағдайлар.

• терапия түрі;
• аурудың түрі мен сатысы;
• орындалуы қажет етілетін жұмыс көлемі;
• клиникалық жағдайдың қиындығы;
• пломбалау үшін немесе тісті қалпына келтіруге қажетті қосымша тетіктерді (қыстырма, штифт, жасанды тіссауыт) пайдалануға арналған баға.

Ауру уақтылы анықталған жағдайда, оны емдеу қымбатқа түспеуі мүмкін. Қабыну және басқа асқынулар өте үлкен шығындарды қажет етеді. Сондықтан «тіс емдеу қанша тұрады» деген сұраққа дәрігер егжей-тегжей диагностикалаған соң ғана жауап бере алады.